» » Өфөлә "ТЭФИ-төбәк"-2016 үтте

Өфөлә "ТЭФИ-төбәк"-2016 үтте

Опубликовано: 27-11-2016, 12:11 | Категория: В СМИ
Өфөлә "ТЭФИ-төбәк"-2016 үттеӨфөлә "ТЭФИ-төбәк"-2016 үттеӘлеге мәлдә Өфөлә "ТЭФИ-төбәк"-2016 Бөтә Рәсәй телевизион конкурсы бара. Көн дә билдәле журналистар, шағирҙар, телевиденияны үҫтереүгә күп көс һалған шәхестәр менән осрашыуҙар, мастер-кластар үтә. Бөгөнгө иртәбеҙ шағир, баш мөхәррир булып эшләгән мәлендә "Юность" журналының тиражын 3 миллион 300!!! тиклем еткергән АНДРЕЙ ДЕМЕНТЬЕВ менән осрашыуҙан башланды! Осрашыу аҙағында журналистар һорау бирҙе, ә мин торҙом да: "Никогда ни о чем не жалейте" тигән шиғырығыҙҙы Гүзәл Ситдыҡова тәржемәһендә башҡортса уҡығым килә. Мөмкинме?",-тинем. Уҡыным! Ҡалтырап төштөм, хатта) Уҡып бөткәс, башҡорт телендә был шиғыр ниндәй моңло яңғырай тинеләр! Хатта сығышың "изюминка" булды, тип ҡупыртып ебәрҙеләр) Рәхмәт, Гүзәл апай! Иҫ киткес моңло тәржемә өсөн! Һеҙгә Андрей Дементьевтан автографлы китап бүләккә!
Гульназ Ишемгулова

2013
© Гүзәл Ситдиҡова тәржемәһе

ҮКЕНМӘГЕҘ

(Андрей Дементьевтан)
Үкенмәгеҙ үткәндәрҙе уйлап,
Булыры ла булған, туны туҙған,
Һағыштарҙы хаттай йыртып ташлап,
Онотоғоҙ, ваҡыт инде уҙған

Үкенмәгеҙ ниҙер булғанына,
Булмай ҡалғанға ла бошонмағыҙ,
Күңел күле генә буйрамаһын,
Талсыҡмаһын өмөт ҡошҡонағыҙ.

Үкенмәгеҙ ҡылған изгелеккә,
Белмәһә лә кемдер ҡәҙерҙәрен,
Уҙмыштар юҡ даһи, түрәгә лә -
Биреп тора яҙмыш йәберҙәрен.

Үкенмәгеҙ иртәләнем тиеп,
Йә яҙлыҡтым тиеп уңыр мәлдән.
Кемдер даһиҙарса флейта уйнай,
Ә бит моңон ала һеҙҙең йәндән

Үкендереп һеҙҙе әрнетмәһен
Уҙып киткән көндәр, һүнгән һөйөү.
Уйнаһындар флейта - даһиҙарса,
Даһийыраҡ һеҙҙең тыңлай белеү.
Официальный информационный портал органов государственной власти Республики Башкортостан  Официальный информационный портал Государственного Собрания - Курултая Республики Башкортостан  Официальный портал Правительства РБ  Башинформ