» » Бөгөн бөтөн ил буйынса ХӘТЕР ҺӘМ ҠАЙҒЫ көнө. Бөйөк Ватан һуғышы башланыуға - 76 йыл.

Бөгөн бөтөн ил буйынса ХӘТЕР ҺӘМ ҠАЙҒЫ көнө. Бөйөк Ватан һуғышы башланыуға - 76 йыл.

Опубликовано: 22-06-2017, 15:57 | Категория: Новости
Мостай Кәрим

МИН ФРОНҠА КИТӘМ, ИПТӘШТӘР!

Эйәрләне атай, ялын үреп,
Аҡбуҙаттың ярһыу, ап-ағын,
Әсәм һуҙа дәһшәт ҡылысының
Ҙур яуҙарҙа еңеп ҡайтҡанын.
Мин фронҡа китәм, иптәштәр!

Ышан, атай, һин эйәрләп биргән
Аҡбуҙатым минең абынмаҫ,
Йәшең тамған был ҡылысты, әсәй,
Һуғарырмын дошман ҡанында.

Йыуырмын мин фашист ҡаны менән
Илем күкрәгенең яраһын,
Ҡайырылмаҫ ҡаты дауылдарҙа
Үс һәм нәфрәт биргән ҡанатым.

Сал ҡартлығын һаҡлап ҡарттарымдың,
Һылыуҙарын һаҡлап илемдең,
Бөйөклөгөн һаҡлап Уралымдың,
Гүҙәллеген һаҡлап Иҙелдең,
Атасаҡ таң, киләсәк яҙ өсөн,
Яҙын япраҡланыр гөл өсөн,
Тыуыр балам, йырланыр йыр өсөн,
Йыр өсөн һәм тыуған ер өсөн –
Мин фронҡа китәм, иптәштәр!
1941.
Официальный информационный портал органов государственной власти Республики Башкортостан  Официальный информационный портал Государственного Собрания - Курултая Республики Башкортостан  Официальный портал Правительства РБ  Башинформ