Зәйнәб Биишева исемендәге Башҡортостан "Китап" нәшриәтендә «Йәштәр тауышы» республика әҙәби фестивале!

Опубликовано: Сегодня, 09:28 | Категория: Новости, Молодые авторы
Зәйнәб Биишева исемендәге Башҡортосатан «Китап» нәшриәте йәш яҙыусыларҙың һәм шағирҙарҙың «Йәштәр тауышы» исемле республика әҙәби фестивален уҙғарҙы. Фестиваль 2016 һәм 2017 йылда әҫәрҙәре тәүге тапҡыр йыйынтыҡ булып сыҡҡан ун авторҙың китап туйын үткәреүҙе маҡсат итеп ҡуйҙы. Бына улар - ижад өлкәһендә тәүге ышаныслы аҙымдарын яһаған авторҙар - Шәүрә Туйсина («Күңел баҡсам»), Зөһрә Сафина («Йондоҙҙарҙан сиктем ҡулъяулыҡ»), Ләйсән Мараҡанова («Күк сәскәләр»), Гөлиә Гәрәева («Бәхетлесеңме, дип сорама»), Артур Дарра («Когда я стану солнцем»), Эвита Гайнет («Моя ли жизнь?...»), Нурлан Ғәниев («Бер мизгел нибары»), Рәзинә Зәйнетдинова («Килен шәле»), Зөлфиә Сәлихова («Атай абруйы»), Таңсулпан Рәсүл («Атай, һине күрҙем…»). Зәйнәб Биишева исемендәге Башҡортостан "Китап" нәшриәтендә «Йәштәр тауышы» республика әҙәби фестивале!
Зәйнәб Биишева исемендәге Башҡортостан "Китап" нәшриәтендә «Йәштәр тауышы» республика әҙәби фестивале!
Зәйнәб Биишева исемендәге Башҡортостан "Китап" нәшриәтендә «Йәштәр тауышы» республика әҙәби фестивале!

Мәскәү ҡалдырған тәьҫораттар

Опубликовано: 1-02-2017, 20:12 | Категория: Новости, Члены союза, Молодые авторы
Ҡалалар кешеләр кеүек. Йә һинеке, йә юҡ. Ҡолас етмәҫ илебеҙҙең баш ҡалаһы йөрәгемә самолет трапынан уҡ ояланы, быға тиклем “Мәскәү һынлы Мәскәү булғас, ҙур ҡалаларға хас ығы-зығыға күмелгәндер, уны тәү күргән кешелә әллә ниндәй хистәр ҙә уята алмайҙыр” тигән уйҙарым бөтөнләй юҡҡа сыҡты. Һәм бында, һис шикһеҙ, ҡаланан тыш, ундағы киң күңелле, ғәжәп кешеләр ҙә ҙур роль уйнаны.
Шағирә Лариса Абдуллина менән Мәскәүгә килеп төшкәс тә, тәү башлап Башҡортостан Республикаһы вәкиллегенә юлландыҡ. Унда беҙҙе ҡолас йәйеп бик әүҙем эшләп килгән “Аҡ тирмә” башҡорт милли-мәҙәни үҙәге ҡаршы алды. Караптан балға тиҙәрме әле, беҙ яҡынлашып килгән Яңы йыл байрамы уңайынан ойошторолған сараға эләктек. Гүйә, Башҡортостандан сығып китмәгәнбеҙ ҙә: шул уҡ ҡурай һәм думбыра моңдары, башҡорт йырҙары, бейеүҙәре, барыһы ла саф башҡорт телендә генә һөйләшә.
Думбыра тигәндәй, был милли музыка ҡоралында уйнаған егет айырыуса иғтибарҙы йәлеп итте: ул — урыҫ милләтле Андрей Смирнов. Уның башҡорттар ара­һы­на эләгеү тарихы ҡыҙыҡ та, үҙенсәлекле лә. Халҡыбыҙҙың яулы үткәне менән ҡыҙыҡһына Андрей, айырыуса Алдар ба­тырҙың 1696 йылда икенсе Азов походында күрһәткән батырлыҡ­тарына, аҙаҡ уның Петр I ҡулынан грамота алыуына һоҡлана. Бынан тыш, Андрей күп кенә башҡортса йырҙар ҙа белә. “Башҡорт батыр­ҙары менән супермендар ара­һында оҡшашлыҡтар күп: улар барыһы ла изгелек өсөн, халҡы өсөн көрәшә”, – ти ул.
Гөлсинә Батыршина етәкселе­гендәге “Аҡ тирмә” милли-мәҙәни үҙәге Мәскәүҙә йәшәгән башҡорт­тарҙы берләштереп кенә ҡалмай, ә төрлө сараларҙа лайыҡлы сы­ғыш яһай, үҙҙәре лә уҙғара. Уларға ҡарап, баш ҡалалағы һәр башҡорт йыр-моңға һәләтле икән, тип уй­ларға мөмкин: Яңы йыл байрамы йыр-бейеүгә үрелеп барҙы. Сы­ғышы менән Мәсетле районынан Ринат Хәбиров атлы егет ҡурайҙа “Азамат”ты һыҙҙырғанда, “Уралым” ҡобайырын йырлағанда шуға төшөндөм: сит ерҙәрҙә туған моңдар айырым бер мәғәнәгә сорналыусан, үтә ҡәҙерле икән дә. Бына ни өсөн сит илдә, сит өлкә­ләрҙә йәшәгән башҡорттарыбыҙ туған моңдарыбыҙға, тари­хы­быҙға, милли ҡиммәттәребеҙгә айырыуса ныҡ иғтибарлы.
Интернет селтәрен һәм “Баш­ҡортостан” гәзитен даими күҙәтеп барыусыларға Радмир Мөфтәхин, Елена Созыкина, “Заман” этно­төркөмө яҡшы таныш. Радмир ҡыллы инструменттарҙа башҡорт халыҡ көйҙәрен уға ғына хас стиль менән башҡарыу оҫталығына эйә булһа, Елена үҙе башҡорт мил­ләтенән булмаһа ла, телебеҙҙе үҙаллы өйрәнеп, башҡортса йыр­ҙарҙы башҡарыуы менән бөтәһен дә хайран итә.
Кескәй сәйәхәтебеҙҙең икенсе көнөндә ваҡыт яғы тығыҙ булһа ла, уларҙың үҙҙәренә саҡырыу­ҙарын кире ҡаға алманыҡ. Һәләт­ле генә түгел, башҡорт халҡына хас булғанса бик ҡунаҡсыл да икән үҙҙәре: Радмир, халҡыбыҙ­ҙың көйҙәрен гитарала бик үҙен­сәлекле башҡарып, күңелдәрҙе илаһи моңға күмһә, Елена тәмле аш-һыуҙары, мәтрүшкәле сәй менән һыйланы.
Мәскәүгә барыуыбыҙҙың төп сәбәбе шулай ҙа “ЛиФФт” Бөтә Рәсәй әҙәби журналының сығы­уына, ошо уҡ исемдәге фестиваль уҙғарыла башлауға бер йыл тулыу айҡанлы ойошторолған халыҡ-ара шағирҙар форумы ине. Был сарала Рәсәйҙең төрлө төбәктә­ренән, хатта БДБ илдәре шағир­ҙары ла сығыш яһауы сараның географияһы киңлеген күрһәтте.
Шәхсән минең күңелемдә Ҡал­мығстандан шағирә Валентина Боован, Мәскәү шағирәһе, бард йырсыһы Ольга Панюшкина, сараны ойоштороусылар: сығышы менән Тәтешле районынан Әнүәр Әлмөхәмәтов, Маргарита Аль, Рязань өлкәһенән Лидия Терехина менән танышыу онотолмаҫлыҡ эҙ ҡалдырҙы.
Шиғриәттә минең кеүек тәүге аҙымдарын яһағандар өсөн үҙ ҡаҙандарында ғына ҡайнап ҡал­май, офоҡтарҙы киңәйтеү үтә лә мөһим, шуныһы менән төрлө ҡала, республика, өлкәләрҙәге ҡәләм әһелдәрен берләштереп, уларҙың шиғырҙарын баҫтырған “ЛиФФт” әҙәби журналының әһә­миәте бик ҙур. Лариса апай менән республикабыҙ исеменән сығыш яһағанда шиғырҙарыбыҙҙы тап башҡортса ишетергә теләк бел­дереүҙәре күңелгә май булып яғылды: телебеҙҙе яраталар, хөрмәт итәләр!
Үрҙә һанап үтелгән осрашыу­ҙарҙан тыш, Мәскәүҙең тағы ла бер үтә лә иҫтәлекле урынында булыуым менән Лариса Абдул­линаға бик рәхмәтлемен: форсаттан файҙаланып, беҙ Владимир Высоцкий, Сергей Есенин ҡәбер­ҙәренә зыярат ҡылдыҡ. Высоц­кийҙың сәскәләр менән тулған мәңгелек төйәгендә мөлдөрәмә тулған күңел бөйөк Есениндың ҡәберенә килеп еткәс, ярҙарынан сыҡты: яратҡан шағирым менән күҙгә-күҙ осраштыммы ни!.. Уның да һуңғы төйәгенән сәскәләр, шәмдәлдәр өҙөлмәй, йыш ҡына кешеләр килеп тора – яраталар, онотмайҙар. Шағир өсөн бынан да оло һәм лайыҡлы баһа бармы икән?..
Рәсәй-әсәйҙең тап йөрәгендә – Ҡыҙыл майҙанда, Кремль ҡар­шыһында торғанда бар булмышым бығаса кисерелмәгән бер моңға тулышты. Барыһы ла һый­ған ине был моңға: “Аҡ тирмә”лә ишеткән ҡурай, думбыра, халҡым йырҙары ла, Радмир Мөфтәхин гитараһының илаһи сыңы ла, шағирҙарҙың ижад емештәре лә, Есениндың ҡәберендә уҡылған “Жизнь – обман” шиғыры ла... Бығаса мең тапҡыр ишетеп тә, әллә ни мәғәнәһенә иғтибар итмәгән бер төшөнсәне йәнем-тәнем менән тойҙом: халыҡтар дуҫлығы – ул тыуған Башҡорт­останға ғына һөйөү түгел, ә оло Ватанға – Рәсәйгә һөйөү. Ярҙа­рына һыймаған хистәрем шиғыр юлдарына үрелде:
Рәсәй-әсәйҙең тап йөрәгендә
Аныҡ тойҙом бәҫен Уралдың.
Башҡорт моңо шуға Кремлдә бит
Курант тауышына уралды...

Мәскәү ҡалдырған тәьҫораттар

Һөйөнсө!

Опубликовано: 12-01-2017, 13:12 | Категория: Новости, Молодые авторы
З. Биишева исемендәге "Китап" нәшриәтендә "Әҙәби нағыш" шиғырҙар һәм проза йыйынтығы донъя күрҙе. "Сәсмәүерҙәр майҙанында" С. Фазлыев, М. Әхмәтйәнова, М. Ҡаһарманова, В. Мәжитова, Л. Мырҙағолова, Р. Вәлиев, Т. Баһауетдинова, Л. Хәсәнова, Г. Саматова, Р. Иҫәнбаева. Н. Усманова, Э. Харисова-Кейекҡужина, И. Исламов, Р. Ырыҫҡужина әҫәрҙәре донъя күргән.
Шиғриәттә ун бер авторҙың шиғырҙары баҫылды. Гөлфирә Вәлиеваның, Венер Сәлиховтың берәр шиғырын бында ҡуям да, ҡалғандарының беренсе битен тәҡдим итәм!!! (10 фотонан артыҡ ҡуйып булмағанын беләһегеҙ). Ҡаршы алығыҙ: Фидаил Сафин (Ҡариҙел), Фәнис Сирбаев (Баймаҡ), Венер Сәлихов (Белорет), Айгөл Йәмилева (Бөрйән), Гөлназ Искәндәрова (Көйөргәҙе), Денис Ғилманов (Учалы), Гөлүзә Әхмәҙиева (Дәүләкән), Гөлфирә Вәлиева (Әбйәлил), Айгөл Муллағәләмова ( Әбйәлил), Зәлифә Байышева (Дыуан), Зөлфирә Сөнәғәтуллина (Стәрлетамаҡ). Ҡыуанығыҙ: башҡорт әҙәбиәтенә яңы тулҡын килә!!!
Һөйөнсө!

23 АҠЪЮЛАЙ КӨНӨ БАШҠОРТОСТАН РЕСПУБЛИКАҺЫНЫҢ ЯҘЫУСЫЛАР СОЮЗЫНДА “ИЖАДИ ЛАБОРАТОРИЯ” ҮҘ ЭШЕН БАШЛАНЫ

Опубликовано: 11-01-2017, 22:46 | Категория: Новости, Молодые авторы
Хәйер, был турала бәйән итер алдынан, ғөмүмән, Яҙыусылар союзының һуңғы айҙағы ваҡиғаһы менән таныштырып үтмәксебеҙ. Инде күптәргә билдәле булғанса, Йыллыҡ йыйылышын уҙғарғайны Әҙәби мәхәлләбеҙ. Ә инде бер төркөм ижадсы йәштәрҙең артабанғы хәрәкәт итеүҙәре тап шул ваҡиғаға бәйләнде лә инде. Йыйылышта Союздың уставы үҙгәртелеп, шул арҡылы йәш кешегә лә Идара рәйеслегенә һайланыу мөмкинселеге булдырылып, рәйес вазифаһын башҡарыусы итеп Зәки Арыҫлан улы Әлибаев һайланыу менән, күп ваҡыт та үтмәй, бынан бер-нисә йыл элек ойоша башлаған йәштәр инде Союзда үҙҙәренең беренсе ултырышын да уҙғарҙы. Уларҙың теләге - Союзда йәштәр бүлеге булдырылып, шул бүлек арҡылы үҙҙәре тәҡдим иткән ижади проекттарҙың тормошҡа ашырылыуы булды. Ә был проекттарҙың тәүмаҡсаты, әлбиттә, халҡыбыҙҙың милли әҙәбиәтенә хеҙмәт итеүгә ҡайтып ҡала. Һәр хәлдә, киләсәк йәштәр ҡулында бит. Улар оло әҙиптәр менән бергә эшләп, уларҙың фатихаһын алып ҡалырға тейеш тә...
23 АҠЪЮЛАЙ КӨНӨ БАШҠОРТОСТАН РЕСПУБЛИКАҺЫНЫҢ ЯҘЫУСЫЛАР СОЮЗЫНДА “ИЖАДИ ЛАБОРАТОРИЯ” ҮҘ ЭШЕН БАШЛАНЫ

Семинар-встреча с творческой молодёжью трех вузов

Опубликовано: 4-12-2013, 00:55 | Категория: Молодые авторы
Семинар-встреча с  творческой молодёжью трех вузов4 декабря в актовом зале БГУ состоялся семинар-встреча с творческой молодёжью трех вузов: БГУ, Стерлитамакского филиала БГУ и БГПУ имени М. Акмуллы. В рамках семинара проводились интересные конкурсы, знакомство с творчеством студентов. Приняли участие: заместитель председателя правления СП РБ Фарзана Губайдуллина, поэтесса Гульназ Кутуева, молодой автор-прозаик Айгиз Баймухаметов. С чтением своих стихов выступили: Риф Ахмадеев, руководители литературных объдинений “Шонкар”, “Тулкын”, “Ашкадар” З. Шарипова, Заки Алибаев и Рита Фаткуллина.

Презентация книг молодых авторов

Опубликовано: 8-02-2013, 15:22 | Категория: Молодые авторы
Презентация книг молодых авторов8 февраля в Кушнаренковском ЦБС состоялась презентация книг молодых авторов Руслана Сулейманова и Лейсан Якуповой, где приняли участие заместитель председателя СП РБ Фарзана Губайдуллина, писатели, работающие в области детской литературы Альфия Асадуллина, Фания Габидуллина, Ильдус Тимерханов, Мунир Вафин.
Читальный зал библиотеки был красиво оформлен выставкой книг писателей-участников данного торжества.
Руслан Сулейманов рассказал о своей работе в институте развития образования РБ на кафедре родных языков и о том, что каждая встреча с земляками дает ему толчок на создание новых произведений.
Официальный информационный портал органов государственной власти Республики Башкортостан  Официальный информационный портал Государственного Собрания - Курултая Республики Башкортостан  Официальный портал Правительства РБ  Башинформ